Polisi Omaku God's Plan Pi Fwodu Nyaku Pare Ma Sheila Gashumba.

Posted on Feb 23, 2020
By Mc Bidozo

Marcus Alli Sempijja ma Ungeyiri ku'nyinge God's Plan jumako man jufungu wiye i odii Kol mi Jinja Road manyaworo pi fwodu nyaku pare Sheila Gashumba. Fwodu enu ubino yor ingey Kare ma Jurumer aryo enu gi kwiru nindu mi mar mi Valentino karacelo kud ayiri ma lake tek haii.

Ku wec mu ai ibang janang'Lembe mi wiyamu acel Ritah Kagwa, God's Plan jumako manyaworo man ekyewo dhoge de ndhu i polisi. “ Lembe angeya ma Tira mu aii kudi Polisi mi Jinja Road ubenyuthu nia Marcus Sempijja mungeyiri ku'nyinge ma God's Plan unyonu Sheila Gashumba Nyungu'nyungu ve dhyang" Rita Kaggwa ukwyewu I Buku mi Wang Pare.

Dhanu ma Kago ikum jo'aryo enu guyeru nia God's plan orucu Sheila yor ingey nwange katugu Kud ikum Ubilu mundu pare.

Eni utiye ungo wang mir acel ma God's Plan ukethu cinge ikum nyathi nyaku mi oro 20 noo. I dwii mir apar i 2019 , God's Plan uyecu Wang Sheilah Gashumba makofu pwaa yor ingeye ma jarimbe acel Amanda unyuthu kite ma Jarawer Grenade ubedo kamwodu kudu Sheila Gashumba i ot Pare .

Jurumer enu gibedu ku nguru nguru ikind gi pi kare malac iwi gen mupe man ayiri malake tek imer.

Sheila Gashumba uwok i ot pa Won ikind dwii mir Apar Acel 2018 ni bedu ku God's Plan calu cware.